Domingo 23 Ochobre 2011. Area 5 Los Collaos. Xabalí

Miércoles 19 Ochobre 2011. Area 8 Carrio. Xabalí

Sábado 8 Ochobre 2011. La Portiecha - Pola de Lena. Xabalí

Sábado 24 Setiembre 2011. Area 8 Carrio. Corzu y Xabalí

Feches Sorteo Temportada 2011/2012

• Sábado 24 Setiembre 2011. Area 8 Carrio. Corzu y Xabalí
• Sábado 8 Ochobre 2011. La Portiecha - Pola de Lena. Xabalí
• Miércoles 19 Ochobre 2011. Area 8 Carrio. Xabalí
• Domingo 23 Ochobre 2011. Area 5 Los Collaos. Xabalí
• Miércoles 23 Payares (Noviembre) 2011. Area 7 Les Campes. Xabalí
• Sábado 26 Payares (Noviembre) 2011. Aller. Cualnegro. Xabalí
• Martes 6 Avientu (Diciembre) 2011. Area 6 Villoria. Xabalí
• Sábado 31 Avientu (Diciembre) 2011. Area 1 Tiraña. Xabalí
• Miércoles 18 Xineru 2011. Area 4 Soto. Xabalí
• Miércoles 25 Xineru 2012. Recechu venaes nos Fueyos
• Domingo 26 Febreru 2012. Area 2 La Ferrera. Venao

26/02/2011. Area 1. Tiraña. Venao

Última cacería de la temporada, esta vez de venau nel area 2. Quedamos na gasolinera pa planificar la echá. Hay un venau que dicen que ye buenu nel valle y pretendemos dar con esti y abatilu. Partimos los cazadores dende la Sartera copando pa cubrir el valle, el día presentase con un insistente orbayu que nos empapa enseguida, pero nun tarda muncho en animase la cosa ya que na más entrar los monteros salen 3 venaos no muy buenos a los puestos más altos. En principiu paez que los vamos dejar pasar, van parando hasta que se separen y unos tornen a la mata y un tira para arriba, abriendo fueu Manolo y Faustino sin abatilu.
Continúa la batida ente la confusión ente los que afirmen ver un buen venao y los que solo vemos varetos. Finalmente oyese un tiroteo y avisa Diego de que acababa de abatir una pìeza a los pies de la Sartera. Repitese lo de les dos últimes caceríes de venao y volvemos a quedar con un varetu ruin pa picadiellu o chorizos, peor ye nada...
Son les 10:30 y ta acabada la cacería. Vamos todos pa casa a cambiar la ropa que ta pingando per cuenta'l orbayu y quedamos pa comer en Tiraña onde ta esperándonos el corzu de esti añu que por ciertu salyos deliciosu.
Ahora toca esperar a la próxima temporada a ver si se da meyor de xabalinos que la presente.

6/02/2011. Pola L.lena. La Portiecha. Xabalí

Por fín llegó la mejor batida de la temporada. Pa quedar, como siempre que hay excursión, a les 7 de la mañana delante del Alimerka nuevu de Laviana. Cuando por fín nos reunimos todos, fuimos saliendo en procesión para Lena, donde quedamos en la oficina del Guardia de consejería para realizar el papeleo. Cuando salimos de la oficina ya había salido el sol, presentandose un día despejau con muy buenes sensaciones para todos. De la oficina fuimos al bar el Ave, en Campomanes, onde tomamos el cafetín enantes de salir pal monte. Allí tuviemos la "suerte" de contar colos famosos del pueblu trasnochando un poco, muy conocios por un fantásticu reportaxe fotográficu de una cámara de fotos anónima encontrá nel pueblu con les sos azañes cinegétiques polos pontes de Lena...

Bueno, dexando de llau les anécdotes, tomamos el cafetín y tiramos pa la Portiecha colos todoterreno. Subiemos hasta una campa onde los dexamos aparcaos y fuimos subiendo pela pista colocando los primeros puestos y llegando hasta el pie de la peña, onde se copó en forma de V invertida. Pa colocar estos puestos contamos col guarda y cola inestimable ayuda de Ruben, un monteru local que nos facilitó muncho les coses y que tuvo acompañau del so fiu colos perros(creo que llamábase Álvaro, nun toi seguru).

Ya llegando el guarda a los puestos más altos, levántase sin querer un xabalí y suena la alarma... pero pasa'l tiempu y nun se sabe na, paez que escapó, asina que los monteros siguen subiendo, echando'l valle.

Hay rastros en toes partes y va saliendo caza (Corzos). Finalmente cuando lleguen a lo más alto y van siguiendo rastru del xabalí desencamau, Muñera tópase con que ésti había achorrao nunos matos, nun muy lexos. Al llegar al pie de esti colos perros, el xabalí sal, da la vuelta per onde había llegao y encarase de frente a los puestos altos de Pablo y Lupión, pasando per en medio d'ellos, lo que aprovecha Lupión pa solta-y a nun muncha distancia tres tiros colos que lu fae rodar. Ya desde lexos paeciome un xabalí muy grande y nun diba muy desencaminau. Un buen xabalí de unos 80 Kg con una boca curiosa.
Acábase esta echá y mientres baxen el xabalí Tino, el Roxu y Ramiro pa guardalu nuna cuadra, vamos reuniéndonos pa colocar los puestos baxos, ya que algunos puestos altos nun se moverien. Concentrámonos asina Adrián, Ramiro, Pedro, Faustino, Diego, Fran, Manolo, el Roxu y yo, llegando Ruben el monteru pa destinanos. Durante esti procesu, depués de dexar a Adrián, Pedro y Faustino nos puestos más fondos, mientres vamos subiendo, la voz de algún cazador nos puestos de enrriba nuestro desencama inesperadamente un buen xabalí, que tirase abaxo, viéndolu Diego dende el so puestu sin pode-y tirar. Na so marcha hacia abaxo pasa pol puestu al que se dirixía Adrián y al que nun había llegao tovía, pudiendo-y tirar a pesar de todo un tiru a lo desesperao entre les parres sin llegar a alcanzalu.
Acabamos de colocar los puestos y entren los monteros en la echá. Al poco tiempu desencamen otru xabalí nel mesmu sitiu onde había desencamao el anterior, suelten los perros y el xábalo descuelgase per onde el anterior. Empieza asina un tiroteu nel que participen Mieres, el Roxu, Jose Manuel y Diego, siendo esti últimu el que lu alcanza per detrás, nun certeru tiru nel culo, deteniéndolu y siendo acorralau polos perros en una tensa situación que duraría unos minutos, hasta que Diego encuentra la oportunidá de rematalu sin dañar a ningún can.

Yera'l segundu y nos quedaba un pal cupo. Marchamos y reunímonos Pedro, Faustino, Quico, el Roxu (monteru), Tino, Adrián y yo en torno al xabalí. Lu habien baxao demasiao y esperamos la llegada de Ruben pa guianos de cara a sacalu, lo cual diba a costanos sudor y esfuerzu, porque tabemos demasiao fondos. Asina que repartimos armes, mochiles y perros y dispusimonos a la azaña de llevalu hasta los coches, azaña na que Tino demostró mientres nos turnábamos en tirar el Roxu, Ruben el monteru de Lena y yo, de tar como un oso.

Tardamos un poco pero al fín llegamos a los coches y nos repartimos pa dir tirando hasta Xomezana, onde taben Ramón y Patiga esperando con un xabalí cortau enrriba'l pueblu. Copamos la mata nun muy grande y entren los monteros. Revisenlo todo, pero por desgracia el gochu ya nun taba.

El sol se taba quitando y con esta echá dábemos por finalizada la cacería. Baxamos al pueblu pa llimpiar los xabalinos y facer les fotos oficiales y a les 7 encargamos la cena nel Mesón Reondu, en Campomanes, onde ya habíemos comio l'añu pasau.

Decir que fué una de les mejores caceries del añu. Por primer vez estuvimos toda la cuadrilla, con Pablo que taba apuntau y Muñera de monteru. Ente los monteros contamos con algunos de los más simbólicos de la nuestra cuadrilla. Adrián (cllán), Ramón, Andrés, Toni Pantiga, Gelu, el pequeñu de los casinos, el Roxu, Tino, el afable Quico de les Bories... colo que disfrutamos todos de la última cacería de xabalinos de la temporada, a la espera del venao a finales de mes, col que acabará la temporada.

Comentariu Gastronómicu
El Mesón Reondu.
Ya falamos l'añu pasau del Mesón Reondu y podemos decir lo mesmo que entós. Ye un sitiu espectacular. Comiemos mexillones con vinagreta, en salsa picante, xamón, lomo, choriezu, fabes, sopa mariscu, bacalao, corderu, patates con pimientos de padrón y llacón con patates cocies, postres, chupitos... etc, y todo por un preciu muy asequible. Nun debería faltar una visita al Mesón Reondu toles temporaes.

30/01/2011. Area 2. La Ferrera. Xabalí

El vienres 28 pela nueche comienza a trapiar a eso de les 3:30 de la mañana y ya nun pararía, estando cubiertu el monte de nieve tol fin de semana. El domingo tocábanos la última cacería de Xabalí nel Coto, pero queda suspendía. Algo que nos ocurre por segunda vez.
Quedamos a mediu día en Casa Pín nel Condao pa comer ya que teníemoslo encargao. Como la otra vez el menu consistió en Sopa, Callos, Picadiellu y Adobu. Muy casero y bien preparao. De agradecer tener como siempre la parte de atrás pa nosotros solos.

Esti añu nel Raigosu podemos calificar la temporada como desastrosa. De 6 caceríes de Xabalí, dos caceríes suspendies pela nieve y 3 ceros, un nes Campes (Area 7) nel que el xabalín que echaron los perros nun salió a nengún puestu, otru en Villoria (Area 6) con un día emborrinau nel que solo vimos algún venao pero nengún xabalín, y otru en Carrio (Area 8), onde los perros nun dieron con rastros colos que topar xabalí nel lote.

Resumiendo. De 6 caceries de Xabalí nes que podíemos haber matao 12 xabalinos, quedamos en 2 xabalinos, mataos nel mesmu lote, en Tiraña. El resultau, nun ye muy alentaor nun Coto que con 13.000 hectareas y 8 lotes acoge unes excesives 20 cuadrilles.

Sálvanos un poco el haber matao el Corzu y el Xabalí na primer cacería en Tiraña y la posibilidá de matar el Venao a finales de Febrero tamién en Tiraña que esti añu fué el únicu lote nel que cumplimos tanto col corzu como col xabalí y seguramente tamién col venao.

Y aunque nun se suela tratar nesti foro la caza menor, decir que nun fué muncho mejor. Teniendo inexplicablemente restringida la zona libre para la menor a les Areas 1 y 8, les caceries en cuadrilla nel restu de areas nun tuvieron grandes resultaos. Nel mio casu, xunto a Pablo, Jose Luis (padre y fiu), Adrián, Lupión y yo matamos 6 arceas de les 9 que echamos.

Muy, muy, pero que muy desalentador.